ឯកឧត្តម ទេព យុទ្ធី បានអញ្ជើញជាអធិបតីបើកពិធីប្រកួតបាល់ទាត់មិត្តភាព ក្របខណ្ឌសមាគមរាជសីហ៍ ក្នុងឱកាសអបអរសាទរខួបអនុស្សាវរីយ៍លើកទី៤៣ ថ្ងៃជ័យជំនះ ៧មករា
នាថ្ងៃទី០៧ ខែមករា ឆ្នាំ២០២២ ឯកឧត្តម ទេព យុទ្ធី សមាជិកគណៈកម្មការទី៨ ព្រឹទ្ធសភា និងជាលេខាធិការក្រុមសមាជិកព្រឹទ្ធសភាប្រចាំភូមិភាគទី៥ បានអញ្ជើញជាអធិបតីបើកពិធីប្រកួតបាល់ទាត់មិត្តភាព ក្របខណ្ឌសមាគមរាជសីហ៍ ក្នុងឱកាសអបអរសាទរខួបអនុស្សាវរីយ៍លើកទី៤៣ ថ្ងៃជ័យជំនះ ៧មករា (៧ មករា ១៩៧៩-៧ មករា ២០២២) នៅទីលានបាល់ទាត់វិទ្យាល័យច្បារអំពៅ ស្ថិតក្នុង សង្កាត់និរោធ ខណ្ឌមានជ័យ រាជធានីភ្នំពេញ ។
ក្រុមកីទ្បាបាល់ទាត់ចូលរួមប្រកួតមានចំនួន១០ ក្រុម មកពីសមាគមរាជសីហ៍សាខារាជធានី-ខេត្ត ចំនួន ៩ក្រុម និងសមាគមរាជសីហ៍សាខាប្រទេសជប៉ុន ចំនួន ១ក្រុម ។
